Вазирлар Маҳкамасининг “Йўл ҳаракати қоидаларига пиёдалар хавфсизлигини таъминлашга қаратилган ўзгартириш ва қўшимчалар киритиш тўғрисида”ги қарори қабул қилинди.
Қарорга кўра, “Баланд пиёдалар ўтиш жойлари” йўл белгиси ҳамда 3D кўринишидаги йўл ётиқ чизиқлари жорий этилади.
Бунда пиёдалар учун қулай шарт-шароитлар яратиш ва улар иштирокидаги йўл-транспорт ҳодисаларининг олдини олиш мақсад қилинган.
Улар қуйидаги нуқталарга ўрнатилади:
- шаҳарлар ва бошқа аҳоли пунктларининг кўчаларида;
- давлат ва маҳаллий аҳамиятга молик автомобиль йўлларининг ёритилган ҳамда юқори тезлик соатига 30 километргача чеклов жорий қилинган участкаларида;
- турар жой даҳаларидаги кўриниш чекланган чорраҳаларда;
- болалар майдончалари ҳамда таълим ташкилотлари олдидаги йўл участкаларида;
- оммавий дам олиш жойлари, стадионлар, вокзаллар, савдо марказлари ва бошқа одам кўп тўпланадиган жойларда;
- кўчаларнинг 1.21. “Болалар” йўл белгиси таъсиридаги қисмларига “Баланд пиёдалар ўтиш жойлари” йўл белгиси ҳамда йўл ётиқ чизиқлари ўрнатилади.
Ички ишлар вазирлиги икки ойда 2025–2026 йилларда “Баланд пиёдалар ўтиш жойлари” йўл белгиси ҳамда йўл ётиқ чизиқларини ўрнатиш зарур бўлган жойлар рўйхатини тасдиқлайди.
Изоҳ (0)