Президентнинг “ ъҒэлонъ туристик-рекреацион зонасини ва халқаро умуммавсумий курортни ташкил этиш чора-тадбирлари тўғрисида”ги қарори қабул қилинди. Бу ҳақда ЎзА хабар берди.
Унга кўра, Қашқадарё вилояти, Шаҳрисабз туманида умумий ер майдони 2,9 минг гектар бўлган “Ғэлон” туристик-рекреацион зонаси ташкил этилади.
Туристик зона ҳудудида замонавий меҳмонхона мажмуалари, маданий-соғломлаштириш, савдо-кўнгилочар ва туристик аҳамиятдаги бошқа объектлар ҳамда муҳандислик инфратузилмалари барпо этилади.
Туристик зона фаолият кўрсатиш муддати кейинчалик узайтириш имконияти билан 30 йилга ташкил қилинади. 2025 йил 1 июнга қадар туристик зонанинг бош режаси ва батафсил режалари лойиҳалари ишлаб чиқилади.
Умумий узунлиги 33 км бўлган Ҳисорак—Ғэлон, Ҳисорак—Сарчашма автомобиль йўлини икки тасмали қилиниб, Чироқчи—Шўрқудуқ автомобиль йўлининг 30 км қисмида қурилиш ва реконструкция ишлари амалга оширилади.
2025 йил 1 апрелга қадар туристик зона бренди яратилиб, республика ҳудудида ҳамда хорижий давлатларда кенг тарғиб қилинади.
3 июнь куни Шавкат Мирзиёев раислигида туризмни янада ривожлантириш бўйича устувор масалалар юзасидан видеоселектор йиғилиши ва соҳадаги тадбиркорлар билан мулоқот ўтказилганди. Унда хорижий инвесторлар Шаҳрисабз тумани Ғэлон ва Сарчашма қишлоқлари орасида 3 минг гектарлик тоғ-чанғи комплексини ва Мираки қишлоғида туризм зонасини барпо этиш ишларини бошлангани айтилганди.
Изоҳ (1)
Assalomu aleykum kimdir usha Gelon qishlogi Sarchashma qishloqlarini aholisi shunga rozimikan deb suhbatini ogan ekanmi axir qishlogimizga hej kim bunga rozi emasku hech kim shunchaki necchi yillik qigan mehnati bog’u rog’ini chiqarib bergisi kelmaydiku bizni qishlog’imiz usha bog’larini ustidan non topib yashayapti daryo uz muxbirlari bunga ezohlik keltirasilami?