Исроил бош вазири Биньямин Нетаньяху Исроил ва Фаластиннинг ҲАМАС ҳаракати ҳали ҳам гаровга олинганлар бўйича келишувдан йироқ эканидан афсус билдирди. Аввалроқ Оқ уй келишув 90 фоизга ҳал бўлган, деб хабар берганди.
“Исроил томонидан ён бериш гаровга олинганларни ўлдириш учун лицензия бўларди... Биз Исроилга эмас, ҲАМАСга босим ўтказишда давом этишимиз керак”, деди Нетаньяху Fox News телеканалига берган интервьюсида.
Нетаньяху шу ҳафтада иккита йирик матбуот анжумани ўтказиб, Ғазо сектори бўйича ҲАМАС билан олиб борилган музокаралар ҳақида гапириб ўтганди.
Ғазо секторида гаровга олинган олти кишининг ўлдирилиши Исроил жамиятида қаттиқ ғазабга сабаб бўлди, натижада минглаб фуқаролар иштирокида ҳукуматга қарши норозилик намойишлари юзага келди.
Ғазо бўйича воситачилар орқали музокаралар бир неча ҳафтадан бери Қоҳира ва Доҳада олиб борилмоқда. Исроил маълумотларига кўра, Фаластиннинг ҲАМАС ҳаракати томонидан асирга олинган 101 киши ҳамон тутқунликда, улар орасида вафот этганлар ҳам бор.
Турли амалиётлар ва саъй-ҳаракатлар давомида 154 киши ҲАМАС асирлигидан озод этилгани хабар қилинди.
Изоҳ (0)