Исроил бош вазири Биньямин Нетаньяху Ливаннинг “Ҳизбуллоҳ” ҳаракати билан ўт очишни тўхтатиш бўйича эҳтимолий келишувни “умуман олганда” маъқуллади. Бу ҳақда вазиятдан хабардор манбага таяниб CNN хабар берди.
“Нетаньяху Исроил расмийлари билан хавфсизлик бўйича маслаҳатлашувлар чоғида “Ҳизбуллоҳ” билан ўт очишни тўхтатиш бўйича келишувни олдиндан маъқуллади”, дейилади баёнотда.
Қайд этилишича, келишув хулосаси кечиктирилиши мумкин, чунки баъзи тафсилотлар ҳали ҳам муҳокама қилинмоқда.
Умуман олганда, телеканал манбаларига кўра, музокаралар келишув билан якунланиши мумкин.
Ноябрь ойи бошида Исроилнинг Кан давлат телерадиокомпанияси Исроил ва “Ҳизбуллоҳ” ўртасидаги Америка келишув лойиҳасини эълон қилган эди, унга кўра жанубий Ливан фақат мамлакат қуролли кучлари ва БМТ тинчликпарвар кучлари томонидан назорат қилинади ва Исроил армияси сулҳ тузилгандан кейин етти кун ичида ўз қўшинларини бу ердан бутунлай олиб чиқади.
Исроил бош вазирининг маслаҳатчиси Дмитрий Генделманга кўра, агар Ливан исроилликларнинг ўз уйларига хавфсиз қайтиши бўйича яҳудий давлатининг барча шартларини қабул қилсагина, Тель-Авив битим тузишга рози бўлади.
Исроил Ливан жанубида 1 октябрдан бери “Ҳизбуллоҳ” кучларига қарши қуруқликдаги операцияни амалга оширмоқда, шунингдек, ҳаво бомбардимонларини давом эттирмоқда.
Тель-Авивдаги ҳарбий кампаниянинг асосий мақсади бир йил аввал “Ҳизбуллоҳ” томонидан Фаластиннинг ҲАМАС ҳаракатини қўллаб-қувватлаш мақсадида бошлаган ўққа тутилиши сабабли эвакуация қилинган шимолнинг 60 минг аҳолисини қайтариш учун шароит яратишдан иборат.
Изоҳ (0)