АҚШнинг янги сайланган президенти Дональд Трамп лавозимига киришидан олдин ҲАМАС барча гаровдагиларни озод қилмаса, Яқин Шарқда “жаҳаннам” яратиш билан таҳдид қилди. Бу ҳақда сиёсатчи ўзининг Truth Social ижтимоий тармоғида ёзди.
У Исроилдан ўғирлаб кетилган одамларни дарҳол озод қилишга чақирди, акс ҳолда айбдорлар АҚШ тарихидаги “ҳеч кимга ўхшамаган даражада қаттиқ” жазоланишини айтди.
Агар гаровдагилар 2025 йил 20 январгача, яъни мен фахр билан АҚШ президенти лавозимини эгаллайдиган санагача озод қилинмаса, Яқин Шарқда ва инсониятга қарши бу ваҳшийликлар учун жавобгар бўлганларга жаҳаннам бошланади, бунинг учун улар ҳақ тўлашига тўғри келади, деди у.
Республикачилар партиясидан сенатор Линдси Гремга кўра, Трамп 2025 йил январидаги инаугурациядан аввал Ғазо секторида тинчлик битимини тузишни режалаштирмоқда. АҚШнинг янги президенти лавозимига киришгач Украинадаги урушни 24 соат ичида тугатишга ҳам ваъда берганди.
ҲАМАС 2023 йил 7 октябрда Исроилга ҳужум қилганда 200 дан ортиқ одамни гаровга олган. Ўғирлаб кетилганлар орасида ҳам исроилликлар, ҳам чет элликлар, шу жумладан кўп фуқароликка эга бўлган шахслар бор эди. Октябрь ойи бошида 97 нафар ўғирланган шахс Ғазо секторида қолган, уларнинг учдан бири 1 33 киши ҳалок бўлган деб ҳисобланмоқда.
Изоҳ (0)