Тошкент шаҳрида 3 та қоидабузарлик натижасида тизимга 2 млрд 747 млн сўмлик зарар етказилгани аниқланди. Бу ҳақда “Ўзэнергоинспекция” матбуот хизмати хабар берди.
Хусусан, Шайхонтоҳур туманида “Б.” уй-жой ширкати жами 17 дона электр ҳисоблагичдан 9 тасига ташқи таъсир кўрсатган ҳолда 726 млн сўмлик электр энергиясидан ноқонуний фойдаланган.
Шунингдек, Олмазор туманида “Ф.Т.” МЧЖ фойдаланилган электр энергияси учун ҳисоб-китобларни амалга оширмаган. Натижада таъминот корхонасига 1 млрд 159 млн сўм зарар етказилган.
Бундан ташқари, Олмазор тумани О.Бобожонов кўчаси, 20-уй манзилидаги турар жой биносининг электр ҳисоблагичи ҲЕТ Billing тизимига киритилмасдан фойдаланилган. Натижада таъминот корхонасига 862,2 млн сўмлик зарар етказилган.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Энергия ресурсларидан ноқонуний фойдаланиш ҳолатлари ортиб бормоқда
Изоҳ (0)