Ёқилғи-энергия ресурсларидан ноқонуний фойдаланиш билан боғлиқ ҳолатларни фош этишга қаратилган назорат тадбирлари давом этмоқда. Бу ҳақда Бош прокуратура матбуот хизмати хабар берди.
Маълум қилинишича, Сирдарё вилояти Мирзаобод туманидаги “С.Т.А.М” МЧЖ раҳбари С.Б. жамиятга қарашли экин ерларини суғориш учун мўлжалланган сув насосини ўзбошимчалик билан тармоққа улаши оқибатида 683 млн сўмлик электр энергияси талон-торож қилинган.
Мазкур ҳолат юзасидан Жиноят кодексининг 169-моддаси (ўғирлик) 4-қисми “а” банди билан жиноят иши қўзғатилди.
Дастлабки тергов давомида жамият томонидан етказилган 683 млн сўм зарар тўлиқ ундирилиши таъминланди.
Аввалроқ Сирдарёдаги маиший хизмат кўрсатиш шохобчасида 325 млн сўмлик “свет”дан ноқонуний фойдаланилгани аниқланганди.
Шунингдек, Қорақалпоғистон Республикаси ва Тошкентда жами 2 млрд сўмлик “свет”дан ноқонуний фойдаланилгани ҳақида хабар берилган эди.
Бундан ташқари, Ангрендаги метан заправка 1,1 млрд сўмлик электр энергиясидан, Самарқанддаги метан заправкада 6,6 млрд сўмлик газдан ноқонуний фойдаланилгани аниқланган.
Изоҳ (0)