Жиззахдаги фермер хўжалигида 3,7 млрд сўмлик “свет”дан ноқонуний фойдаланилди
Жиззах вилоятининг Шароф Рашидов туманида шартномасиз тармоққа уланган фермер хўжалиги3,7 млрд сўмлик электр энергиясидан ноқонуний фойдалангани аниқланди. Бу ҳақда “Ўзэнергоинспекция” матбуот хизмати хабар берди.
Фото: “Ўзэнергоинспекция” матбуот хизмати
Маълум қилинишича, “Ж.Д.С.Й.” фермер хўжалиги масъуллари 100 кВАли трансформатор пунктини шартнома расмийлаштирмасдан электр тармоғига улаган.
Қоидабузарлик натижасида электр таъминоти корхонасига 3 млрд 764 млн сўмлик зарар етказилган.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
“Свет”дан ноқонуний фойдаланиш ҳолатлари ортиб бормоқда
Бугунга қадар Ўзбекистоннинг турли ҳудудларида энергия ресурсларидан ноқонуний фойдаланиш ҳолатлари кўплаб учрамоқда. Ушбу ҳолатларнинг аксариятида миқдор млрд сўмдан зиёд.
Жумладан, Сирдарёда 683 млн сўмлик “свет”дан ноқонуний фойдаланган шахс ушланган эди. Шунингдек, Сирдарёдаги маиший хизмат кўрсатиш шохобчасида 325 млн сўмлик “свет”дан ноқонуний фойдаланилгани аниқланган.
Шу билан бирга, Қорақалпоғистон Республикаси ва Тошкентда жами 2 млрд сўмлик “свет”дан ноқонуний фойдаланилгани ҳақида хабар берилган эди.
Ангрендаги метан заправкада 1,1 млрд сўмлик электр энергиясидан ноқонуний фойдаланилгани аниқланган.
Изоҳ (0)