Фарғона вилоятининг Боғдод туманида фуқаро С.Т.га қарашли чойхона шартнома расмийлаштирмасдан ўзбошимчалик билан электр тармоғига уланган. Бу ҳақда “Ўзэнергоинспекция” матбуот хизмати хабар берди.
Маълум қилинишича, ушбу қоидабузарлик натижасида электр таъминоти корхонасига 1 млрд 237 млн сўмлик зарар етказилган.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Энергия ресурсларидан ноқонуний фойдаланиш ҳолатлари ортиб бормоқда
Бугунга қадар Ўзбекистоннинг турли ҳудудларида энергия ресурсларидан ноқонуний фойдаланиш ҳолатлари аниқланмоқда. Ушбу ҳолатларнинг аксариятида миқдор млрд сўмдан ортиқ.
Жумладан, Сирдарёда 683 млн сўмлик “свет”дан ноқонуний фойдаланган шахс ушланган эди. Шунингдек, Сирдарёдаги маиший хизмат кўрсатиш шохобчасида 325 млн сўмлик “свет”дан ноқонуний фойдаланилгани аниқланганди.
Шу билан бирга, Қорақалпоғистон Республикаси ва Тошкентда жами 2 млрд сўмлик “свет”дан ноқонуний фойдаланилгани ҳақида хабар берилган эди.
Ангрендаги метан заправкада 1,1 млрд сўмлик электр энергиясидан ноқонуний фойдаланилгани аниқланган.
Тизимга киринг ёки Рўйхатдан ўтинг.
ёки Э-Почта орқали
Рўйхатдан ўтганмисиз? Login.
ёки Э-Почта орқали
Раҳмат. Биз сизнинг хабарингизни олдик ва хатони имкон қадар тезроқ тузатамиз.
Изоҳ (0)