Энергия ресурсларни талон-торож қилинишини фош этишга қаратилган назорат тадбирлари давом этмоқда, деб хабар берди Бош прокуратура матбуот хизмати.
Маълум қилинишича, Самарқанд вилояти Ургут туманидаги “О.А.” фермер хўжалиги раҳбари Х.О. 1 дона сув насосини электр тармоғига ноқонуний равишда улаган.
Натижада жами 932 млн сўмлик электр энергиясидан ноқонуний фойдаланган.
Мазкур ҳолат юзасидан тадбиркорга нисбатан Жиноят кодексининг 169-моддаси (ўғирлик) 4-қисми “а” банди билан жиноят иши қўзғатилиб, гумонланувчи процессуал тартибда ушланган.
“Свет”дан ноқонуний фойдаланиш ҳолатлари ортиб бормоқда
Бугунга қадар Ўзбекистоннинг турли ҳудудларида энергия ресурсларидан ноқонуний фойдаланиш ҳолатлари кўплаб учрамоқда. Ушбу ҳолатларнинг аксариятида миқдор млрд сўмдан зиёд.
Жумладан, Сирдарёда 683 млн сўмлик “свет”дан ноқонуний фойдаланган шахс ушланган эди. Шунингдек, Сирдарёдаги маиший хизмат кўрсатиш шохобчасида 325 млн сўмлик “свет”дан ноқонуний фойдаланилгани аниқланган.
Изоҳ (0)