Ноябрь ойида 1 614 та истеъмолчи томонидан табиий газ ва электр энергиясидан ноқонуний ва қоидабузарлик ҳолатлари аниқланди. Бу ҳақда “Ўзэнергоинспекция” ахборот хизмати маълум қилди.
Маълум қилинишича, 24,1 млн метр куб табиий газ (70,1 млрд сўм) ва 38,6 млн киловатт/соат электр энергиясидан (90,4 млрд сўм) ноқонуний фойдаланилиши натижасида давлат манфаатларига жами 160,6 млрд сўм зарар етказилган.
Истеъмолчилар томонидан энергия ресурсларидан фойдаланиш қоидаларини бузиш билан боғлиқ ҳуқуқбузарликлар бўйича 876 та маъмурий иш расмийлаштирилди.
Ёқилғи энергия ресурсларидан самарали ва оқилона фойдаланиш бўйича 4 583 та истеъмолчиларга профилактика тадбири ўтказилди.
“Ҳудудгазтаъминот” матбуот хизматининг хабарига кўра, ноябрь ойида 2,9 мингта табиий газдан ноқонуний фойдаланиш ҳолатлари аниқланди. Мазкур ҳолатлар бўйича жами 97,1 млрд сўмлик 42,4 млн куб метр табиий газ ҳажмлари қайта ҳисоб-китоб қилинган.
Шу билан бирга суюлтирилган газ таъминотида 1,5 минг дона маиший газ баллонлари ноқонуний сақланаётгани аниқланган 23 та “бункер” фаолиятига чек қўйилди. Бунинг натижасида аҳоли истеъмолчиларига йўналтирилиши лозим бўлган 20,3 тонна суюлтирилган газ ҳажмлари талон-торожининг олди олинди.
Энергия ресурсларидан ноқонуний фойдаланиш ҳолатлари ортиб бормоқда
Изоҳ (0)