Энергия ресурслари талон-торож қилинишини фош этишга қаратилган назорат тадбирлари давом этмоқда, деб хабар берди Бош прокуратура матбуот хизмати.
Маълум қилинишича, Жарқўрғон туманидаги “Ю.А.Д.” хусусий корхонаси раҳбари Т.Д. корхонага қарашли автомобилларга газ тўлдириш компрессор шохобчасини тармоққа ноқонуний равишда улаб, жами 2,1 млрд сўмлик табиий газни ўғирлаган.
Ҳолат юзасидан Жиноят кодексининг 169-моддаси 4-қисми (ўғрилик) “а” банди билан жиноят иши қўзғатилиб, гумонланувчи процессуал тартибда ушланган.
Изоҳ (0)