Суратга олиш ишларидан ортмаслиги, турли лойиҳалар билан банд эканига қарамай, юлдузлар ҳам севимли машғулот билан шуғулланишга вақт ажратишни яхши кўради.
Тўқиш
Голливуд юлдузларидан Зета Жонс, Жулия Робертс, Мерил Стрип, Ума Турмандан ташқари Вайнона Райдер, Сара Жессика Паркер, Аманда Сейфрид, Сандра Баллоклар тўқиш билан шуғулланади. Бу ҳали эмас, эркак юлдузлар орасида ҳам ушбу машғулотни яхши кўрадиганлар бор. Рассел Кроу, Том Хенкс ва Дэвид Духовнилар шулар жумласидан. Асабларни тинчлантириб, тинчланишга ёрдам берадиган тўқиш билан юлдузлар суратга олиш майдончасининг ўзидагина шуғулланмайди, тўқилган кийимларни кийишни ва совға қилишни ҳам яхши кўради. Жулия Робертс ва Мерил Стрипни ўз ижод маҳсули намунаси бўлган кийимларда кўп учратиш мумкин.
Скраббукинг (қўл иши билан оилавий ва шахсий фотоальбомлар тайёрлаш)
Скраббукинг билан шуғулланадиган Кети Холмс яқинлари ва дўстларига ўз қўл иши билан тайёрлаган альбом ва табрикномаларни совға қилади. Актриса ушбу машғулот учун ойига 3 минг долларга яқин маблағ сарфлайди.
Фелтинг (ўйинчоқ ва турли нарсалар ясаш)
Жулия Робертс тўқишдан ташқари фелтинг билан ҳам шуғулланади. 2006 йилда ўзи ясаган сумкани тутиб кўриниш берган.
Чарм матодан сумка ва ҳамёнлар ясаш
Чарм ва текстиль матосидан косметика соладиган сумка ва ҳамёнлар ясайдиган Шерон Стоун, ижод маҳсулини яқинларига совға қилади. 1999 йилда LV модалар уйи учун «AmFAR» кейси дизайнини ишлаб чиққан. Ушбу сумка Венеция халқаро кинофестивалида 45 минг долларга сотилган.
«Крючок» билан тўқиш
Актриса Фостернинг Instagram саҳифасида «крючок» билан тўқилган болалар гиламчаси, юмшоқ ўйинчоқлар: жирафа, айиқ ва филчаларни кўриш мумкин. Суратга олиш майдончаларида ҳам севимлига айланган мазкур машғулотга уни қизи Эмили илҳомлантиради.
«Жонглирование» (шарчаларни отиб ўйнаш)
«Сумерки» юлдузи Кристен Стюарт интервьюлар давомида фокусларни яхши кўриши ва шарчаларни отиб ўйнаш унинг севимли машғулоти эканини таъкидлаган. Суратга олиш майдончасида ҳамкасбининг шарлар билан ўйнашига гувоҳ бўлган Роберт Паттинсон унинг ушбу маҳоратига ҳайрон қолган.
Пазандачилик
Ева Лонгория, Жессика Альба, Эммо Стоунлар таом пиширишни жуда ҳам яхши кўради. Гвинет Пелтроу эса бу машғулотга муккасидан кетган ва пазандачиликка оид китоб чиқариш билан бирга, блог юритишни ҳам бошлаган. Унда ушбу қизиқиш пайдо бўлишига отаси сабабчи бўлган.
Компьютер ўйинлари
Мила Кунис World of Warcraft ўйинининг фанати ҳисобланади. Интервьюлардан бирида Кунис ўзини компьютер ўйинларининг «наркомани» деб атаган. Қолаверса, у ҳамма ҳам ўйин борасида унинг олдига тушолмаслигини таъкидлаган.
Изоҳ (0)