Олий Мажлис Қонунчилик палатасининг биринчи ташкилий мажлиси бошланди.
Парламент қуйи палатасининг биринчи мажлисини Марказий сайлов комиссияси раиси Зайниддин Низомхўжаев очиб берди.
Қонунчилик палатаси биринчи мажлисининг муваққат котибияти, саноқ комиссияси ҳамда овозларни ҳисоблаш электрон тизимидан фойдаланишни назорат қилувчи муваққат гуруҳ сайлаб олинганидан сўнг, депутатлар Қонунчилик палатаси биринчи мажлисининг кун тартибини тасдиқлади.
Қонунчилик палатаси спикери лавозимига номзод кўрсатиш учун депутатлар орасидан Қонунчилик палатасига сайловда иштирок этган ҳар бир сиёсий партиядан уч нафар депутатдан иборат Сиёсий партиялар вакиллари кенгашини тузди.
Қисқа танаффусдан сўнг, Сиёсий партиялар вакиллари кенгашининг таклифига биноан депутатлар яширин овоз бериш йўли билан ХДП депутати Нуриддин Мўйдинхонович Исмоиловни Олий Мажлис Қонунчилик палатасининг спикери этиб сайлади.
Шунингдек, депутат Мавлуда Хўжаева Олий Мажлис Қонунчилик палатаси спикерининг биринчи ўринбосари этиб сайланди.
Бундан ташқари, депутат Раҳимжон Ҳакимов спикер ўринбосари этиб сайланди.
Мазкур йиғилишда президент Шавкат Мирзиёев иштирок этади ва нутқ сўзлайди.
Изоҳ (0)