Янги талаблар ва партиялараро рақобат муҳитида бўлиб ўтган Олий Мажлис Қонунчилик палатаси ва халқ депутатлари маҳаллий кенгашларига сайлов ҳам ортда қолди. Беш йилда бир ўтказиладиган ушбу сиёсий тадбир очиқлик, ошкоралик тамойиллар асосида бўлиб ўтди.
Марказий сайлов комиссиясининг сайлов якунлари бўйича берган баёнотида иккита сайлов тизими бўйича, Ўзбекистон Либерал-демократик партиясидан – 64 та ўрин ёки 42,7 фоиз, “Миллий тикланиш” демократик партиясидан – 29 та ўрин ёки 19,3 фоиз, “Адолат” сосиал-демократик партиясидан – 21 та ўрин ёки 14 фоиз, Халқ демократик партиясидан – 20 та ўрин ёки 13,3 фоиз, Экологик партиясидан – 16 та ўрин ёки 10,7 фоиз ўрин эгаллади.
Бу галги сайловда ЎзЛиДеП тарихдаги энг яхши натижа қайд этди. Партия 2019 йилда бўлган сайловда 53 та депутатлик ўрнини эгаллаб, Олий Мажлис Қонунчилик палатасида энг йирик фракцияни ташкил этган эди. Бу сафар ЎзЛиДеП олдинги сайловга нисбатан 11 та кўп депутатлик ўрнига эга бўлди. Бу мамлакат партиялари тарихидаги энг яхши натижа ҳам ҳисобланади.
ЎзЛиДеП сайлов кампанияси ва ташвиқот босқичида аҳолини қийнаётган кўплаб муаммолар ва уларнинг келгусидаги ечимига эътибор қаратди.
Биргина мисол: келгусида аҳоли жон бошига даромадни 4 минг долларга етказиш, 1 миллион хонадонли уй-жой қуриш таклифи партия дастуридан алоҳида ўрин эгаллади.
Шу ва бошқа шу каби омиллар партияга бу йилги сайловда муваффақият қозонишга ёрдам берган бўлса ажаб эмас.
Изоҳ (0)