Шавкат Мирзиёевнинг Эрон президенти вафоти муносабати билан элчихонада ҳамдардлик билдириши, “Долзарб 40 кунлик”да қўлга олинган яна уч кишига суд ҳукми ўқилиши, Тошкентда 6 магнитудадан юқори зилзилалар кузатилиши мумкинлиги маълум қилиниши — “Дарё” нашри бугун, 21 майда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентдаги “Ғалаба боғи” вақтинча ёпилди
Бунга мажмуа ҳудудида кичик таъмирлаш ва дезинфекция ишлари олиб борилиши сабаб бўлган.
Ўзбекистонда яшил облигацияларни муомалага киритиш тартиби ишлаб чиқилди
Ҳужжат лойиҳасини ишлаб чиқишда Европа Иттифоқининг қатор давлатлари тажрибалари ўрганилган.
Бухорода йўлни тўсиб қўйган тўй кортежи иштирокчиларига чора кўрилди
Кортежда иштирок этган ҳар бир транспорт воситаси жарима майдонига жойлаштирилган.
Фарғонада 270 дона мобил телефонни ноқонуний олиб кетаётган Cobalt тўхтатиб қолинди (видео)
Божхона расмийлаштирувидан ўтганини тасдиқловчи ҳужжатлари бўлмаган телефонларнинг қиймати 367 млн сўмни ташкил этади.
Юнусободда ниқоб таққан ҳолда дарахт кесган шахслар 5 суткага қамалди
Айбдорлардан ўсимлик дунёсига етказилган зарар учун 27 млн 880 минг сўм жарима ундириб олинган.
Сирдарёда руҳий носоғлом аёлни мазах қилган ходимлар жаримага тортилди
Ҳолат юзасидан суриштирув ишлари якунланди.
Шавкат Мирзиёев ва Владимир Путин телефон орқали мулоқот қилди
Ўзбекистон ва Россия ўртасидаги ҳамкорликни янада кенгайтириш, стратегик шериклик ва иттифоқчилик муносабатларини мустаҳкамлаш масалалари кўриб чиқилди.
Шавкат Мирзиёев Эрон президенти вафоти муносабати билан элчихонада ҳамдардлик билдирди (фото)
Давлат раҳбари ҳамдардлик китобига таъзия ва таскин сўзларини ёзиб қолдирди.
“Док-1 Макс” ишини кўраётган апелляция инстанцияси судни прокурорсиз давом эттирди. Бу жамоатчиликка очиқлангач, прокурор суд залига қайтди
Судланувчи у суд ҳимоясига олиниши кераклигини, суд залидан чиққач, картерга қамаб қўйишларидан қўрқишини таъкидлади.
“Долзарб 40 кунлик”да қўлга олинган яна уч кишига суд ҳукми ўқилди
Криминоген вазиятни яхшилаш юзасидан ўтказилган тезкор тадбирлар давомида бир нечта жиноятларни содир этган шахслар ушланган.
Ўзбекистон фуқаролари учун бу йилги ҳаж квотаси маълум бўлди
Ҳаж амалларини бажариш учун зиёратчида “Ҳаж-2024” визаси бўлиши шарт.
Ўзбекистон нефть ва газ импорти ҳажмини кескин оширди
Электр токи импорти ҳам ўтган йилдагидан сезиларли кўпайган.
Тошкентда 6 магнитудадан юқори зилзилалар кузатилиши мумкинлиги маълум қилинди
Содир бўлиш эҳтимоли юқори бўлган зилзила ўчоқларининг сейсмик хавфи баҳоланади.
Гамбия ҳукумати “Док-1 Макс” сабаб 69 нафар бола вафот этгани учун ҳиндистонлик ишлаб чиқарувчиларни судга бергани айтилмоқда
“Наҳотки биз атиги 1,3 миллион нафар аҳолиси бўлган Гамбия давлатичалик бўлолмаймиз?” — деди адвокат.
Ўзбекистон делегацияси Иброҳим Раисий билан видолашув маросимида қатнашади
Делегацияга Олий Мажлис Қонунчилик палатаси спикери Нурдинжон Исмоилов бошчилик қилади.
Пойтахт йўл харитаси: Хитой қуёш панелларини ўрнатади, Россия логистика маркази, Озарбайжон эса беш юлдузли меҳмонхона қуради
Тошкент шаҳар ҳокимлиги III Тошкент халқаро инвестиция форуми доирасида эришилган инвестиция битимлари ва келишувларни амалга ошириш бўйича амалий ҳаракатлар режасини маълум қилди.
Тошкентда 2024 йилда давлат тиббий суғурта механизмлари жорий этилади
Шавкат Мирзиёев Соғлиқни сақлаш лойиҳалари маркази томонидан амалга оширилаётган ишлар ва янги таклифлар тақдимоти билан танишди.
Изоҳ (0)