Oliy Majlis Qonunchilik palatasining birinchi tashkiliy majlisi boshlandi.
Parlament quyi palatasining birinchi majlisini Markaziy saylov komissiyasi raisi Zayniddin Nizomxo‘jayev ochib berdi.
Qonunchilik palatasi birinchi majlisining muvaqqat kotibiyati, sanoq komissiyasi hamda ovozlarni hisoblash elektron tizimidan foydalanishni nazorat qiluvchi muvaqqat guruh saylab olinganidan so‘ng, deputatlar Qonunchilik palatasi birinchi majlisining kun tartibini tasdiqladi.
Qonunchilik palatasi spikeri lavozimiga nomzod ko‘rsatish uchun deputatlar orasidan Qonunchilik palatasiga saylovda ishtirok etgan har bir siyosiy partiyadan uch nafar deputatdan iborat Siyosiy partiyalar vakillari kengashini tuzdi.
Qisqa tanaffusdan so‘ng, Siyosiy partiyalar vakillari kengashining taklifiga binoan deputatlar yashirin ovoz berish yo‘li bilan XDP deputati Nuriddin Mo‘ydinxonovich Ismoilovni Oliy Majlis Qonunchilik palatasining spikeri etib sayladi.
Shuningdek, deputat Mavluda Xo‘jayeva Oliy Majlis Qonunchilik palatasi spikerining birinchi o‘rinbosari etib saylandi.
Bundan tashqari, deputat Rahimjon Hakimov spiker o‘rinbosari etib saylandi.
Mazkur yig‘ilishda prezident Shavkat Mirziyoyev ishtirok etadi va nutq so‘zlaydi.
Izoh (0)