Дунёдаги энг йирик захиралардан бирига эга бўлган Хитойнинг валюта захиралари октябрь ойида 1,7 фоизга камайиб, бир ой аввалги 3 триллион 316 миллиард долларга нисбатан 3 триллион 261 миллиард долларни ташкил этди, дея хабар берди мамлакат Давлат валюта бошқармаси (САFЕ).
Trading Economics’нинг бу борадаги прогнози 3,29 триллион долларни ташкил этганди.
Октябрь ойида юаннинг курси Америка миллий валютасига нисбатан тахминан 0,6 фоизга пасайди. Айни пайтда АҚШ доллари асосий жаҳон валюталари саватига нисбатан 0,8 фоизга қимматлашди.
Ўтган ой охирида Хитойда олтин захиралари 72,8 миллион унцияни ташкил этди, деб хабар беради САFЕ. Қимматбаҳо металлар захиралари ҳажми апрель ойидан бери шу даражада сақланиб қолди.
Шу билан бирга, қиймат жиҳатидан олтин захиралари сентябрь ойи охиридаги 191,47 миллиард доллардан 199,06 миллиард долларгача ошган.
Изоҳ (0)