Саудиянинг “Ал-Ҳилол” жамоаси Винисиус Жуниорни 2025 йилнинг ёзида ўз сафига қўшиб олишга ҳаракат қилади.
Marca нашрининг хабарига кўра, Саудия Арабистони чемпионати вакиллари ўтган ёздаги каби вингер билан шартнома имзолашга ҳаракат қилиб кўради.
“Реал” футболчисига мамлакатнинг амалдаги чемпиони “Ал-Ҳилол” жиддий қизиқиш билдирмоқда. Таркибида Неймар тўп сурадиган клуб унинг жароҳатидан сўнг майдонга қайтишига умид қилмаяпти ва 2025 йилда Неймар билан шартномани бекор қилиш ҳақида ўйламоқда. Винисиус Жуниор эса унинг ўрнини босиши мақсад қилинган.
“Реал Мадрид” эса ўз навбатида Винисиус жамоани тарк этмаслигига ишончи комил. Биринчидан, унинг товон пули 1 миллиард евро, иккинчидан, раҳбарият футболчининг жамоага содиқ дея ҳисоблайди.
Винисиус жорий мавсум мадридликлар сафида Ла Лиганинг 9 ўйинида иштирок этиб, 4 та гол ва 6 та голли узатмага муаллифлик қилди.
Изоҳ (0)