Париж шаҳрининг “Шатле” театрида 28 октябрь, душанба куни “Олтин тўп” топшириш маросими бўлиб ўтди.
“Реал” вингери Винисиус Жуниор овоз бериш натижаларига кўра 2-ўринни эгаллади. “Олтин тўп” эса “Манчестер Сити” ярим ҳимоячиси Родрига топширилди.
Бразилиялик футболчи ва “Реал”нинг бошқа аъзолари маросимда иштирок этмади.
Маросим якунлангач, Винисиус Жуниор ижтимоий тармоқдаги саҳифасида “Керак бўлса 10 карра кучлироқ ҳаракат қиламан. Улар ҳали тайёр эмас”, — дея ёзиб қолдирди.
Reuters нашрининг ёзишича, футболчининг атрофидагилар Винисиус бу гапларни совринни ололмагани учун эмас, ирқчиликка қарши кураш маъносида ёзган деб тушунтирган.
Винининг яқинлари ушбу постни шундай таърифламоқда: “Футбол дунёси тизимга қарши курашган ўйинчини қабул қилишга тайёр эмас”.
Изоҳ (0)