Украина раҳбари Владимир Зеленский Оқ уйдан махфий маълумотларнинг сизиб чиқишидан норозилигини билдирди.
Унга кўра, Украина АҚШдан кутаётган ҳарбий ёрдам тафсилотлари жамоатчиликка муддатидан аввал маълум бўлган.
“Оммавий ахборот воситаларида нима бўлаётганини кўрасиз. Уларнинг таъкидлашича, Украина жуда кўп ракеталарни, масалан, Tomahawk ва бошқаларни олишни хоҳлайди. Аммо бу Украина ва Оқ уй ўртасидаги махфий маълумотлар эди. Демак, бу ҳамкорлар ўртасида ҳеч қандай махфий нарса йўқлигини англатади”, дейди Зеленский.
Ушбу воқеалар муносабати билан Зеленский Украинанинг ҳозирги мудофаа эҳтиёжлари контекстида мамлакатлар ўртасидаги ишончли муносабатларни сақлаб қолиш муҳимлигини таъкидлаган. У бу каби маълумотларнинг икки томонлама ҳамкорлик келажагига салбий таъсиридан хавотир билдирган.
Аввалроқ Украина президенти Зеленскийнинг ғалаба режасидаги эълон қилинмаган қисмида Украинага Tomahawk қанотли ракеталарини етказиб бериш бўйича сўров борлиги маълум бўлган эди.
“Сўров ‘ядровий бўлмаган тўсиқ’ бўйича чора-тадбирлар пакетининг бир қисмидир”, дея хабар берди The New York Times.
Изоҳ (0)