Пентагон раҳбари Ллойд Остин Киевга ташриф буюрди. Унинг бу ташрифи аввалдан маълум қилинмагани эътиборга молик.
Қайд этилишича, АҚШ мудофаа вазири Вашингтон президентлик сайловлари олдидан Киевни қўллаб-қувватлашга содиқ эканини намойиш қилиш учун Украинага келган. Бу ҳақда Reuters агентлиги хабар берди.
Ллойд Остиннинг Зеленский билан учрашуви чоғида Украина мудофаа қобилиятини мустаҳкамлаш масаласини муҳокама қилди.
Шунингдек, АҚШ мудофаа вазири Украинага ўқ-дорилар, ҳарбий техника ва қуроллар учун яна 400 миллион доллар ажратилишини айтиб ўтди.
Аввалроқ АҚШ президенти Жо Байден келаётган қиш мавсуми Украина учун қийин бўлишини айтиб, иттифоқчилар мамлакатни ёрдамсиз қолдирмаслиги кераклигини таъкидлаганди.
“Қиш қийин бўлади, лекин биз таслим бўла олмаймиз, Украина БМТ низоми қоидаларига мос келадиган аниқ ва мустаҳкам тинчликка эришмагунча, биз ёрдамни давом эттиришимиз керак”, деганди Байден.
Изоҳ (0)