Ливаннинг “Ҳизбуллоҳ” ҳаракати жангчилари шимолий Сафед шаҳридаги Исроил разведка бошқармасининг асосий базасига ракета ҳужуми уюштирди. Бу ҳақда ҳаракат матбуот хизмати хабар берди.
“Исломий қаршилик жангарилари Сафадда жойлашган Мишар базасига — Исроил разведкасининг шимолий округи бўйича асосий штаб-квартирасига бир қатор ракеталарни учирди”, дейилади баёнотда.
Аввалроқ “Ҳизбуллоҳ” Тель Авив жанубидаги Тел Ноф ҳарбий-ҳаво кучлари базасига дрон зарбаларини берган эди.
Ҳаракат баёнотида “жангчилар Тель Авив жанубидаги Исроил ҳарбий-ҳаво кучлари базасига дронлар ёрдамида ҳужум қилди” дея таъкидланган.
Шунингдек, 25 октябрь куни “Ҳизбуллоҳ” ҳарбийлари Исроилнинг Сафад чеккасида жойлашган Вилон ҳарбий базасига дронлар гуруҳи билан ҳужум қилгани ҳақида хабар берилган эди. Баёнотга кўра, мўлжалланган нишонларга аниқ зарбалар берилган.
Изоҳ (0)