Қоҳира тўрт нафар исроиллик гаровга олинганларни бир неча фаластинлик асирга алмаштириш учун Исроил ва ҲАМАСга Ғазода икки кунлик ўт очишни тўхтатишни таклиф қилмоқда. Бу ҳақда Миср президенти Абдулфаттоҳ ас-Сисий хабар берди.
“Вақтинчалик оташкесим кучга кирганидан кейин ўн кун ичида доимий ўт очишни тўхтатишга эришиш учун музокараларни қайта бошлаш керак”, дея қўшимча қилган у.
Воситачилик ҳаракатларига яқин бўлган Фаластин расмийсига кўра, “ҲАМАС янги таклифларни тинглайди, бироқ у урушни тўхтатиб, Исроил қўшинларини Ғазодан тўлиқ олиб чиқилишига эришишга қатъий қарор қилган”.
Тель-Авив Ғазода ҲАМАС ҳарбий куч ва бошқарув тузилмаси сифатида йўқ қилинмагунча уруш тугамаслигини маълум қилган.
Музокаралар ҳақида маълумот берган манбага кўра, Доҳа қисқа муддатли ўт очишни тўхтатиш ва Исроилда қамоққа олинган фаластинлик маҳбуслар эвазига ҲАМАС томонидан гаровга олинган баъзиларни озод қилиш масаласини муҳокама қилмоқда.
Музокаралар Исроилнинг Ғазо шимолидаги ҳарбий амалиёти фонида ўтказилмоқда.
Изоҳ (0)