Исроил Фаластиннинг ҲАМАС ҳаракати билан сулҳ тузиш учун янги шартни илгари сурди ва бу музокаралар жараёнини мураккаблаштирди. Бу ҳақда манбаларга таяниб, Reuters хабар берди.
Маълумотларга кўра, Исроил Ғазо сектори жанубидан шимолга қайтган тинч аҳоли вакилларини кўрикдан ўтказишни талаб қилган. Ғарб расмийлари “текширув механизми”ни Исроил ҳукумати аҳолининг қайтган қисми ҲАМАСга қўшилишидан қўрқиши билан боғлади. ҲАМАС мазкур талабни аллақачон рад этгани айтилмоқда.
Бундан ташқари, яҳудий давлати ҳарбий ҳаракатларни тўхтатиш учун Ғазо ва Миср ўртасидаги чегарани назоратига олишини билдирган. Қоҳира мазкур талабни сулҳ битими доирасидан ташқарида деб ҳисоблаган.
Исроил ва ҲАМАС ўртасидаги уруш тўққиз ойдан бери давом этмоқда. Яҳудий давлатининг Ғазо секторида бошлаган жанговар ҳаракатлари оқибатида 39 мингдан ортиқ одам ҳалок бўлди. Исроил томонида йўқотишлар 7 октябрдаги ҳужум билан бирга 1,2 минг кишини ташкил этмоқда.
Изоҳ (0)