Qohira to‘rt nafar isroillik garovga olinganlarni bir necha falastinlik asirga almashtirish uchun Isroil va HAMASga G‘azoda ikki kunlik o‘t ochishni to‘xtatishni taklif qilmoqda. Bu haqda Misr prezidenti Abdulfattoh as-Sisiy xabar berdi.
“Vaqtinchalik otashkesim kuchga kirganidan keyin o‘n kun ichida doimiy o‘t ochishni to‘xtatishga erishish uchun muzokaralarni qayta boshlash kerak”, deya qo‘shimcha qilgan u.
Vositachilik harakatlariga yaqin bo‘lgan Falastin rasmiysiga ko‘ra, “HAMAS yangi takliflarni tinglaydi, biroq u urushni to‘xtatib, Isroil qo‘shinlarini G‘azodan to‘liq olib chiqilishiga erishishga qatʼiy qaror qilgan”.
Tel-Aviv G‘azoda HAMAS harbiy kuch va boshqaruv tuzilmasi sifatida yo‘q qilinmaguncha urush tugamasligini ma’lum qilgan.
Muzokaralar haqida ma’lumot bergan manbaga ko‘ra, Doha qisqa muddatli o‘t ochishni to‘xtatish va Isroilda qamoqqa olingan falastinlik mahbuslar evaziga HAMAS tomonidan garovga olingan ba’zilarni ozod qilish masalasini muhokama qilmoqda.
Muzokaralar Isroilning G‘azo shimolidagi harbiy amaliyoti fonida o‘tkazilmoqda.
Izoh (0)