Тошкент 2024 йилда МДҲ мамлакатларининг ёшлар пойтахти, Самарқанд маданий пойтахти деб эълон қилинди, деб хабар бермоқда ЎзА.
Бу ҳақда МДҲ ташқи ишлар вазирлари кенгашининг 14 апрель куни бўлиб ўтган йиғилиши якунлари бўйича ўтказилган брифингда МДҲ Бош котиби Сергей Лебедев маълум қилган.
Самарқанд шаҳрида ўтказилган ушбу тадбирда Ўзбекистон ТИВ раҳбари Бахтиёр Саидов, Арманистон ташқи ишлар вазири Арарат Мирзоян, Беларусь ташқи ишлар вазири Сергей Алейник, Қирғизистон ташқи ишлар вазири Жеенбек Кулубаев, Қозоғистон бош вазири ўринбосари — ташқи ишлар вазири Мурат Нуртлеу, Россия ташқи ишлар вазири Сергей Лавров, Тожикистон ташқи ишлар вазири Сирожиддин Муҳриддин, Озарбайжон ва Туркманистон ташқи ишлар вазири ўринбосарлари Халаф Халафов ва Вепа Хаджиев ҳамда МДҲ Бош котиби Сергей Лебедев иштирок этди.
13 апрель куни Самарқандда Афғонистонга қўшни давлатлар вазирларининг тўртинчи учрашуви бўлиб ўтганди. Ўзбекистон раислигида ўтган тадбирда Эрон, Покистон, Россия, Тожикистон, Туркманистон ва Хитой ташқи сиёсат идоралари раҳбарлари иштирок этди ва томонлар Афғонистондаги мавжуд вазият, ушбу мамлакатнинг амалдаги расмийлари томонидан жаҳон ҳамжамиятининг асосий талаблари — инклюзив ҳукумат яратиш, афғонистонлик аёлларнинг меҳнат ва таълим олиш имкониятини ҳамда миллий озчиликларнинг ҳуқуқларини таъминлаш каби асосий талабларнинг бажарилиши муҳокама қилинди.
Изоҳ (0)