Нидерландия Украинага F-16 қирувчилари учун ҳаво-ҳаво ракеталари ҳамда унга техник хизмат кўрсатиш ва таъмирлашга материаллар етказиб беради. Бу ҳақда Мудофаа вазирлиги баёнотида маълум қилинди.
Мудофаа вазири Рубен Брекелманс бу қарорини Германияда Рамштейн форматидаги йиғилишда маълум қилди. Ракеталар етказиб бериш ҳажми 80 миллион еврога баҳоланмоқда.
“Нидерландия Украина ҳаво ҳудудини ҳимоя қилишда F-16 самолётларини таъмирлаш ва техник хизмат кўрсатиш учун материалларни етказиб беради, шунингдек, унга ҳаво-ҳаво ракеталарини тақдим қилади”, дейилади баёнотда.
Аввалроқ Россия ташқи ишлар вазири Сергей Лавров АҚШнинг Украинага қанотли ракеталар етказиб бериш режаларига муносабат билдирганди.
“Америка Қўшма Штатлари Россиянинг қизил чизиқлари қаердалигини жуда яхши билади, сабримизни синашнинг кераги йўқ”, деганди Сергей Лавров.
Изоҳ (0)