Қонунчилик палатаси ва маҳаллий кенгашлар депутатлари сайловида республика бўйича 1 миллион 15 минг 948 нафар сайловчи муддатидан олдин овоз берди. Бу ҳақда Марказий сайлов комиссияси ахборот хизмати хабар бермоқда.
Энг кўп овоз берилган ҳудудлар:
- Фарғона вилояти - 219 минг 455 нафар;
- Самарқанд вилояти – 181 минг 925 нафар;
- Бухоро вилояти – 109 минг 930 нафар сайловчи муддатидан олдин овоз берган.
Энг кам овозни эса Жиззах вилоятида 6 минг 993 нафар фуқаро берган.
Ўзбекистонда муддатидан олдин овоз бериш 16 октябрь куни бошланиб, 23 октябрь куни якунланган.
Изоҳ (0)