Европарламент Венесуэла президенти Николас Мадурони ҳибсга олишга халқаро ордер бериш ва мухолифат етакчиси Эдмундо Гонсалес Уррутиани давлат раҳбари сифатида тан олишга чақирди.
Бу ҳақда парламентнинг Страсбургдаги ялпи мажлисида қабул қилинган резолюцияда айтилади.
“Биз Европа Иттифоқи ва аъзо давлатларни Николас Мадурони ҳибсга олиш учун халқаро ордер беришни сўрашга чақирамиз”, дейилади ҳужжат матнида.
Европарламент депутатлари, шунингдек, Венесуэла Миллий сайлов кенгаши аъзоларига нисбатан санкцияларни тиклашни ва мамлакат расмийларига нисбатан чекловларни кучайтиришни талаб қилишди.
Бундан ташқари, Европарламент депутатлари Гонсалес Уррутиа Венесуэланинг қонуний президенти сифатида тан олинганини эълон қилди. Улар Европа Иттифоқининг барча давлатларини расман ушбу позицияни эгаллашга ва “унинг 2025 йил 10 январда лавозимга киришини таъминлаш учун ҳамма нарсани қилишга” чақирди.
28 июль куни Венесуэлада президентлик сайловлари бўлиб ўтди. Миллий сайлов кенгаши протоколларнинг деярли 97 фоизини қайта ишлагандан сўнг фуқароларнинг 51,95 фоизи Мадурога, 43,18 фоизи Гонсалес Уррутиага овоз берганини эълон қилди.
Изоҳ (0)