Бу Ўзбекистон сайлов тарихидаги энг юқори кўрсаткичдир. Бугун Марказий сайлов комиссиясининг мажлисида Қонунчилик палатаси депутатлигига сиёсий партиялар томонидан кўрсатилган номзодларни рўйхатга олиш ва сайловолди ташвиқотига оид масалалар кўриб чиқилди.
2024 йилги сайловларда сиёсий партиялар ёшлар ва аёллар иштирокини оширишга катта эътибор қаратмоқда. Қонунчилик палатасига номзодлар орасида 44,7 фоизи аёлларни ташкил этмоқда. Шунингдек, номзодларнинг ўртача ёши 47,2 ёшни ташкил қилади, ва уларнинг 44,2 фоизи 45 ёшгача бўлганлардир.
Бу йилги сайловларда партиялар инклюзивлик масаласига ҳам алоҳида урғу берганлиги маълум бўлди. Жумладан, ногиронлиги бўлган шахслар орасида 11 нафари Қонунчилик палатасига, 605 нафари эса маҳаллий кенгашларга номзод сифатида рўйхатга олинган. Бу жараён орқали партиялар жамиятдаги барча қатламларнинг манфаатларини акс эттиришни мақсад қилган.
Шунингдек, бу йилги номзодларнинг 99,3 фоизи олий маълумотли бўлиб, уларнинг аксарияти иқтисодчи, педагог, муҳандис, шифокор ва ҳуқуқшунослардан иборат. Ҳар бир номзод ўз соҳасида катта тажрибага эга бўлиб, келажакда давлат бошқарувида самарали иштирок этиш салоҳиятига эга.
Қорақалпоғистон Республикаси Жўқорғи Кенгеси, Халқ депутатлари вилоятлар, Тошкент шаҳар ҳамда туманлар (шаҳарлар) Кенгашларига ҳар бир партиядан рўйхатга олинган депутатлик мандати учун жами 28 475 нафар номзодлар кураш олиб боради.
Партиялар томонидан илгари сурилаётган инклюзив сиёсат, ногиронлиги бўлган шахсларни ҳам депутатликка номзод сифатида кўрсатиши, мамлакатда ижтимоий адолат ва барча фуқаролар учун тенг имкониятлар яратиш йўлида катта қадам ҳисобланади.
Изоҳ (0)