Toshkent viloyatining Nurafshon shahrida sifatsiz neft mahsulotlarini sotuvga chiqarilishi oldi olingan. Bu haqda Vazirlar Mahkamasi huzuridagi “O‘zenergoinspeksiya” axborot xizmati xabar bermoqda.
O‘tkazilgan nazorat tadbirlarida Nurafshon shahrida joylashgan avtomobillarga yonilg‘i quyish shoxobchasida sotilayotgan avtobenzindan namuna olinib, laboratoriya tahlillaridan o‘tkazilganda Ai-92 rusumli avtobenzin davlat standart talablariga mos kelmasligi (sifatsiz) ma’lum bo‘lgan.
Bu kabi holatlar Angren shahrida hamda Parkent tumanida joylashgan AYQSHlarda ham aniqlangan.
Mazkur holatlar yuzasidan qoidabuzarlikka yo‘l qo‘ygan ushbu AYQSHlarda kamchiliklar bartaraf etilgunga qadar birja savdolarida ishtirok etishi vaqtincha to‘xtatilgan.
Avvalroq Toshkent viloyatining Ohangaron, Yangiyo‘l va Parkent tumanidagi AYQSHlarda ham Ai-92 rusumli avtobenzin davlat standart talablariga mos kelmasligi aniqlangani xabar qilingan edi.
“O‘zenergoinspeksiya” Ai-80 benzinini sotmasdan saqlab turgan zapravkalar birja savdolarida ishtirok etishi vaqtincha to‘xtatilganini e’lon qilgandi. Surxondaryoda benzindan “urib” qolayotgan AYQSH aniqlangandi
Izoh (0)