Бурак Ўзчивит истеъдодли ва мафтункор актриса Пелин Улуксар билан янги арабча фильмда ҳамкорлик қилиши расман тасдиқланди. Бу хабар Бурак ва Пелиннинг барча мухлислари учун кутилмаган янгилик бўлди.
![](/static/2024/08/23/00000-d2KMivfA.jpg)
“Ҳукмдор Усмон” сериалининг 6-мавсумига тайёргарлик кўраётган Ўзчивит янги фильмда суратга тушиш учун шартнома имзолагани ҳақида хабар берган эдик. “Маҳмул Макфул” номли янги фильмга Дубайдан Весам Каттан ва Туркиядан Тайфур Айдин продюсерлик қилмоқда.
Фильм режиссёри Карим Абу Зайд бўлиб, унда машҳур турк актёри (Бурак Ўзчивит) билан учрашиш учун Истанбулга саёҳат қилишга келган дубайлик уч дугона ҳақида ҳикоя қилинади. Уларнинг севган санъаткорларини ўғирлаб кетиш ҳақидаги ҳазиломуз гаплари кутилмаганда ҳақиқатга айланади ва бир қатор ҳаяжонли воқеаларга олиб келади. Мазкур лойиҳада Ўзчивит истеъдодли ва мафтункор актриса Пелин Улуксар билан жуфтлик ролини ижро этади.
![](/static/2024/08/23/photo_2024-08-23_14-15-56-lwFI5i5s.jpg)
Пелин Улуксар — ўзига хос услубга эга гўзал ва нафис актриса. У 1994 йил 25 сентябрда Истанбулда туғилган. Пелин болалигидан балет, қиличбозлик ва вокал дарслари билан шуғулланган. Улуксар мусиқа таълимини Истанбул Давлат консерваториясида олган ҳамда Эдитепе университетининг театр факультетини тамомлаган. Актриса 2021 йилда “Қалбим эшигини қоқ” сериалида Пурен ролини ижро этган.
![](/static/2024/08/23/photo_2024-08-23_14-16-50-N2Gevery.jpg)
![](/static/2024/08/23/photo_2024-08-23_14-16-59-SZSN0zw2.jpg)
“Аммо Бурак ва Пелиннинг ҳамкорлигидан Ўзчивитнинг рафиқаси Фаҳрие Эвжен норози бўлиши мумкин, чунки юлдуз рафиқасининг ўта рашкчи характерга эга экани ҳақида доимо миш-мишлар юрган. Шунга қарамай, бадиий ҳамкорлик уларнинг оилавий ҳаётида кескинликни келтириб чиқармаслигига мухлислар ишонч билдира”, дейилади манбада.
![](/static/2024/08/23/photo_2024-08-23_14-17-08-FV16yK7Z.jpg)
Изоҳ (0)