“Қўрғон сирлари” юлдузлари Берил Позам ва Эрсин Арижи турмуш қурди (фото)

2024 йилнинг 19 август куни ўзбек томошабинларига “Қўрғон сирлари” сериали орқали таниш бўлган Берил Позам (Суна) ва Эрсин Арижи (Абидин) турмуш қурди.

То жуфтликни келин-куёв либосида кўрмагунча ва уларнинг журналистларга берган интервьюсини эшитмагунча кўпчилик бунга ишонмади. Тантана кенг кўламда ўтди: маросимда “Қўрғон сирлари” сериали ижодий жамоасининг барчаси иштирок этди.

Афра Сарачўғли, Ўзнур Серчелер, Дирен Пўлатўғуллари, Гўдзе Кансу, Буче Бусе Каҳраман, Таро Эмир Текин, Сезин Бозачи ва ҳатто Холис оға лойиҳанинг иккинчи мавсуми охирида юк контейнерида чўктирган Баран Белюкбоши, Сафет роли билан таниш Эдис Акшеҳир ҳам тадбирга келди.

Бундан ташқари, тўйга Берил 2019 йилда суратга тушган “Муҳаббат намойиши” сериали ижодкорлари таклиф қилинди. Шундай қилиб, дизи мухлислари расмларда Буржу Ўзберкни ҳам пайқашди. Чиғатой Улусой билан Бурак Денизнинг тўйга келиши кутилмаган ҳодиса бўлди. Маълум бўлишича, иккала актёр ҳам Эрсин Арижи билан қадрдон дўст экан.

Берил Позамнинг “сериалдаги отаси” Дирен Пўлатўғуллари томонидан ўтказилган маросим тантананинг энг ёқимли лаҳзаси сифатида эътироф этилди.

Аммо Мерт Рамазон Демир маросимни анча эрта тарк этди, ўша куни актёрнинг “Ташландиқ одам” лойиҳасида суратга олиш ишлари ниҳоясига етмоқда эди.

Зийрак турк ОАВ эса тўйда бошидан охиригача иштирок этган Афра Сарчаўғлунинг нотаниш эркак билан кетганини пайқади.