Tarmoqlarda Toshkentga dam olishga kelgan rossiyalik “Lenta.ru” jurnalisti va uning sherigining jasadi mehmonxonalardan birida topilgani haqida xabarlar tarqaldi.
Ular badbo‘y gaz hididan zaharlangani taxmin qilinmoqda. Voqea sodir bo‘lishidan oldin mehmonxonadagi basseyn tozalangani aytilmoqda. Tozalash davomida chiqqan badbo‘y gaz xonaga ventilyatsion tizim orqali kirgan bo‘lishi mumkin.
Bosh prokuratura matbuot xizmati rahbari Hayot Shamsutdinov 47 yoshli jurnalist Inessa Papernaya va yana ikki nafar shaxsning vafoti yuzasidan jinoyat ishi qo‘zg‘atilganini maʼlum qildi.
O‘limining sababini aniqlash uchun sud-tibbiy ekspertiza tayinlangan.
Hozirda tergov harakatlari olib borilmoqda.
Izoh (0)