Эрон Атом энергияси бўйича халқаро агентлик (МАГАТЭ) ва БМТни мамлакатнинг ядровий иншоотларига Исроилдан келаётган таҳдидлар ҳақида хабардор қилди.
Эрон Ташқи ишлар вазирлиги спикери Эсмоил Бағай ушбу таҳдидларни номақбул деб атади ва улар халқаро ҳуқуққа зид эканини қайд этди.
“Эрон бу таҳдидларни халқаро ҳамжамият хавфсизлигига таҳдид деб ҳисоблайди ва шу муносабат билан Атом энергияси бўйича халқаро агентлик ва БМТ Хавфсизлик кенгашига ёзма норозилик билдирди”, деди Бағай матбуот анжуманида.
Эрон 1 октябрь куни Исроилга қарши 180 га яқин ракета учирган эди. Washington Post нашрининг ёзишича, Исроил бош вазири Биньямин Нетаньяху Қўшма Штатларни армия бунга жавобан Эрон ҳарбий объектларига ҳужум қилишини билдирган.
Эрон Ташқи ишлар вазирлиги раҳбари Аббос Арагчи мамлакат ядровий иншоотларига қилинган ҳар қандай ҳужум “қизил чизиқ”ни кесиб ўтиш сифатида баҳоланишидан огоҳлантирган ва Эрон қўмондонлиги Исроилга жавоб зарбаси бериш учун “барча нишонларини аниқлаб олгани”ни таъкидлаган.
Изоҳ (0)