Эрон парламенти депутати Ҳасанали Эхлаки Amiriй ядровий қурол ишлаб чиқишга қўйилган тақиқни олиб ташлашга чақирди. Бу ҳақда ISNA хабар берди.
Депутат Эрон Миллий хавфсизлик олий кенгашидан мудофаа доктринасини қайта кўриб чиқишни сўради. У ўз таклифини тушунтирар экан, Исроил халқаро ҳуқуқнинг ҳар қандай ақл бовар қилмайдиган меъёрларини бузган ҳолда иш тутаётгани, Ғарб давлатлари буни жиловлай олмаслигини айтди.
Бундай шароитда Эрон хавфсизлиги янада кескин чораларни талаб қилади, деди депутат.
Шу пайтгача Эрон режими олий раҳнамонинг ядро қуролини ишлаб чиқаришни ман этувчи фатвосига таяниб келганди. Бироқ Amiriйнинг ўзи ҳужжатул-ислом унвонидаги диний уламолардан бўлгани учун унинг ташаббуси фатвони зарурат туғилганда қайта кўриб чиқиш мумкинлигини кўрсатмоқда.
Изоҳ (0)