Instagram ижтимоий тармоғида ёш болаларнинг блоглари тобора оммалашмоқда. 3-5 ёшли болакайлар ижтимоий тармоқнинг ҳақиқий юлдузига айланмоқда. Улар блогларидаги рекламадан яхшигина даромад ҳам кўрмоқда.
Хусусан, Ясмин Зоитова, Сора ва Шаҳзода каби қизалоқлар нафақат бир неча юз минглаб фолловерлар, балки реклама берувчилар эътиборини ҳам жалб этмоқда.
Маълум бўлишича, хонандалар Ширин ва Нодир Зоитовларнинг қизи Ясминнинг 774 минг обуначиси бўлган саҳифасига реклама постини жойлаш нархи 3 минг долларни ташкил этади.
Соранинг 341 минг киши кузатадиган саҳифасига 1000 доллар, Шаҳризоданинг 193 минг фолловери бўлган блогига 200 доллар эвазига реклама жойлаштириш мумкин.
Қизалоқларнинг саҳифасида Stories’га реклама жойлаш нархи эса 100 доллардан 500 долларгача нархланади. Уларнинг саҳифасида бундай рекламалардан бир кунда 2-3 тасини кўриш мумкин.
Instagramънинг жажжи юлдузлари шу пайтгача ота-онаси билан дунёнинг кўплаб мамлакатларига саёҳатга чиққан.
Изоҳ (0)