Германия ташқи ишлар вазири Анналена Бербок Исроилга ҳужум муносабати билан Эронга қарши қўшимча санкциялар жорий этишга чақирди. Бу ҳақда тегишли манбаларга таяниб, Deutsche Welle хабар берди.
Германия ТИВ раҳбарининг таъкидлашича, Европа Иттифоқи аллақачон Теҳронга Россияга дронлар етказиб бергани учун санкциялар киритган, жазо чораларини кенгайтириш учун фаол ҳаракат қилмоқда.
“Биз Эроннинг ҳаракатлари қанчалик хавфли эканини кўряпмиз”, — деди Бербок Эроннинг Исроилга ҳужумини изоҳлар экан.
Аввалроқ Европа Иттифоқи дипломатияси раҳбари Жозеп Боррел Эроннинг Исроилга ҳужуми муносабати билан Европа Иттифоқи давлатларини фавқулодда йиғилишга чақирган эди. У 16 апрель куни бўлиб ўтиши режалаштирилган.
“Европа Иттифоқи Эроннинг дронлар ва ракеталар ёрдамида Исроилга қилган ҳужумларини кескин қоралайди. Бу мисли кўрилмаган эскалация ва минтақавий хавфсизликка таҳдид”, — дея таъкидлаган Боррел.
У барча томонларни “максимал вазминлик”ка чақирган. Ғарб давлатлари ҳам Эроннинг ҳаракатларини қоралаган.
Германия канцлери Олаф Шольц асоссиз ҳужум билан Эрон минтақавий урушни қўзғатиш хавфини туғдирганини таъкидлаган ва Германия Исроил билан қатъий туришига ишонтирган.
Изоҳ (0)