57 ёшли америкалик актёр Вин Дизель Германияда тўй муносабати билан суратга тушаётган ёшларни табриклаш учун тўхтаб ўтди, деб ёзади “Правила жизни” нашри.
Мьюнхен кўчаларидан бирида янги турмуш қурган жуфтлик тўй либосида суратга тушаётган вақтда тўсатдан уларнинг ёнида лимузин тўхтади. Машинадан тушган ҳайдовчи уларни бир инсон табрикламоқчи эканини айтди.
Бир неча сониядан сўнг Вин Дизель уларнинг қаршисида турган эди. Маълум бўлишича, актёр янги фильм суратга олиш учун Германияга ташриф буюрган. Машинада кетаётиб актёр жуфтликни кўриб қолган ва улар билан суратга тушишга қарор қилган.
Хурсандчиликдан ҳайратда бўлган эр-хотин Дизелнинг ташрифи байрам учун энг яхши совға бўлганини айтди ва ижтимоий тармоқларида кутилмаган учрашувдан лавҳалар билан бўлишди. TikTok’даги видео интернетда бир зумда тарқалди ва бир неча кун ичида тўрт миллиондан ортиқ марта кўрилди. Вин Дизелнинг бу ҳаракати миллионлаб мухлислар томонидан ижобий қабул қилинди.
Вин Дизель — америкалик актёр, режиссёр ва продюсердир. У Оnе Race Films, Racetrack Records, Tigon Studios каби компаниялар асосчиси. 2002 йилда у “Форсаж” фильмидаги Доминик Торетто роли учун МTV каналининг “Энг яхши экран жамоаси” номинациясида мукофотни қўлга киритган.
Изоҳ (0)