Аргентиналик футболчи Лионель Месси ўзининг 525 Rosario деб номланган продюсерлик компаниясига асос солди, дея хабар бермоқда ESPN.
Компания оилавий дастурлар ва телевизион контент ишлаб чиқаради.
Лойиҳа Apple TV+ стриминг хизмати учун Месси ҳақида иккита сериал (“Месси ва Жаҳон Чемпионати: Юқорига йўл” ва “Месси Америка билан учрашди”) тайёрлаган Smuggler Entertainment билан ҳамкорликда ишга туширилди.
“Кўнгилочар нарсалар ҳар доим менинг иштиёқим бўлган, футбол майдонида ҳам, ундан ташқарида ҳам. Smuggler Entertainment билан биргаликда яратган лойиҳамизни ривожлантириш мени руҳлантиради”, — дейди Лео.
Месси компанияни ўзининг туғилган шаҳри Росарио шарафига номлади. Спортчининг тасаввурига кўра, 525 Rosario “илдиз ва оилавий қадриятлар” муҳимлигини акс эттиради.
Компания штаб-квартираси ҳозирги кунда Месси яшаётган Майамида, шунингдек, Лос-Анжелес шаҳрида жойлашган бўлади.
Лойиҳани эса Smuggler Entertainment бош директори Тим Пастор ҳамда Мессининг оиласи бошқаради.
Изоҳ (0)