Агар суперқаҳрамонлар ва космик рицарлар ҳақидаги машҳур фильмлардан чарчаган бўлсангиз, унда унчалик таниқли бўлмаган мазкур франшизалар сизга албатта ёқади.
“Белла ва Себастьян”
Болакай ва ит ўртасидаги таъсирчан дўстлик ҳақидаги фильм. Дўстларнинг ақл бовар қилмайдиган саргузаштлари Иккинчи жаҳон уруши пайтида Франция тоғларида содир бўлади. Фильм энг оғир дамларда ҳам бошқаларнинг яхши томонларини излашни ўрганишимиз кераклигини эслатади. Франшиза тўртта фильмдан иборат бўлиб, уларнинг ҳар бири ўзига хос тарзда ажойиб.
“Шарқий шамол”
Ушбу франшизада тўртта фильм бор, уларда малласоч Мика ва унинг Оствинд лақабли қора айғири ҳақида ҳикоя қилинади. Ҳамма отни бошқариб бўлмайдиган асов деб ҳисоблайди, лекин қиз отни ўзига бўйсундиради. Бир умрлик дўстлик шундай бошланади.
“Жек Ричер”
Том Круз иштирокидаги жанговар фильмлар доимо қизиқарли жанг саҳналарига бой. “Жек Ричер” франшизаси ҳам худди шундай. 2022 йилда худди шу номдаги сериал экранларга чиққан, лекин унда бош ролни бошқа актёр — Алан Ритчсон ижро этган.
“Ёқут китоб сири”
Ўн олти ёшли Гвендолин Шепҳерд учта фильмдан иборат туркумда вақт бўйлаб саёҳат қилади ва сирли ишларни ҳал қилади. Шунингдек, у воқеалар давомида севиб қолади, омадсизликка учрайди ва мўжизаларга ишонишни ўрганади, чунки энди у уларнинг мавжудлигини аниқ билади.
Изоҳ (0)