Netflix тизими жорий йилда премьераси бўлиб ўтиши режалаштирилган “Калмар ўйини” сериалининг иккинчи мавсумини фаол равишда тарғиб қилишда давом этмоқда. Куни кеча сериалнинг кейинги қисмдаги воқеаларни акс эттирувчи янги тизер эълон қилинди.
Tизeр оригинал тарзда ишлаб чиқилган, унда гўёки томошабинга қизиқа ўйинда қатнашиш таклифи берилади. Видеода томошабинларга биринчи мавсумдан таниш бўлган сирли одам қандай қилиб яна ишга тайёргарлик кўраётгани, турли одамларга қизил ёки кўк конвертларни таклиф қилиб, хавфли ўйинга чорлаётгани акс этган.
Иккинчи мавсумда бош қаҳрамон Сон Ки Хун ўйинда ғалаба қозонганидан уч йил ўтгандан сўнг содир бўлган воқеалар тасвирланади. У кўплаб ҳалокатларга олиб келувчи даҳшатли ўйинга бутунлай чек қўйиш мақсадида мусобақа ташкилотчиларини излашга тушади. Унинг ҳаракатлари ниҳоят ўз самарасини берганида мудҳиш ўйинни тугатиш учун Сон Ки Хун яна Калмар ўйинида иштирок этиши шарт эканлиги маълум бўлади.
Лойиҳанинг иккинчи мавсумида “Эмми” мукофоти совриндори Ли Жонг Жедан ташқари, Ли Бен Хон, Ви Хажун, Кон Ю, Им Си Ван, Кан Ханил, Парк Сонхун, Ян Дон Гин ва бошқа актёрлар суратга тушади. Сериалнинг учинчи мавсуми учун режалар тайёр бўлиб, у якуний бўлади. Узоқ кутилган сериал давомининг барча эпизодлари йил охирида — 26 декабрда намойиш этилади.
Аввалроқ ҳиндистонлик режиссёр Соҳам Шоҳ Netflix стриминг хизматини “Калмар ўйини” сериалини плагиатда айблаган эди.
Изоҳ (0)