Антуан Гризманн Франция терма жамоасига қайтиш истагида.
Бу ҳақида журналист Ромен Молина хабар бермоқда. “Атлетико” ҳужумчиси Зинедин Зидан услубида терма жамоага қайтмоқчи. Зидан ҳам термадаги фаолиятини якунлаганидан бир ярим йил ўтиб, ортга қайтган ва ЖЧ—2006 мусобақаси олдидан Франциянинг сардори этиб тайинланганди.
30 сентябрь куни Антуан Гризманн Франция терма жамоасидаги фаолиятини якунлаганини эълон қилганди.
Молинанинг сўзларига кўра, агар терма жамоанинг ишлари кўнгилдагидек кетмаса, улар Гризманни қутқарувчи сифатида қайтариши ва лойиҳани унинг атрофида қурилиши мумкин.
Шунингдек, сўнгги йилларда Франция таркибида ўзини етарлича қадрланмаган дея ҳисобловчи Антуан ҳам ортга қайтишга қарши эмас.
Маълумот учун, Гризманн Франция терма жамоасидаги дебютини 2014 йилнинг март ойида ўтказган эди. Ҳужумчи терма жамоа сафида 137 та ўйин ўтказиб, 44 та гол урган. 2018 йилда Антуан Франция терма жамоаси билан Жаҳон Чемпиони, 2021 йилда эса УЕФА Миллатлар Лигасида ғолибига айланган.
Изоҳ (0)