Франциянинг Париж шаҳрида марокашлик ва маҳаллий футбол мухлислари ўртасида тўқнашувлар содир бўлди.
Марокашлик мухлислар терма жамоанинг ЖЧ—2022 чорак финалида Португалия устидан қозонган ғалабасини (1:0) нишонлаш учун кўчага чиққан. Минглаб мухлислар Париждаги марказий кўчани эгаллаган. Франция терма жамоасининг Англия устидан қозонган ғалабасидан (2:1) кейин эса улар сафига маҳаллий ишқибозлар ҳам қўшилган.
Натижада томонлар ўртасида жанжаллар юзага келган. Мухлислар атрофдаги дўконлар пештахталарини синдирган ва полиция билан жанжаллашган. Полиция ходимлари кўздан ёз оқизувчи газдан фойдаланишга мажбур бўлган, дея хабар қилди Reuters.
Қайд этилишича, тартибсизликлар оқибатида 74 киши ҳибсга олинган.
Марокаш ва Франция терма жамоалари ЖЧ—2022 ярим финалида ўзаро тўқнаш келади.
Марокаш мундиал ярим финалига чиққан илк Африка ва биринчи араб мамлакатига айланди. Қатор шаҳарларда мухлислар бу ғалабани нишонлаган.
Изоҳ (0)