Оливье Жиру Евро—2024 мусобақасидан сўнг Франция терма жамоасидаги фаолиятини якунлайди.
“Албатта, терма жамоадаги фаолиятимни соғинаман, лекин вақтим ўз ниҳоясига етмоқда. Ёшларга имконият бериш керак”, — дейди “Милан” футболчиси.
Жиру 2011 йилдан буён Франция терма жамоаси шарафини ҳимоя қилиб келмоқда. Бу вақт мобайнида Оливье 131 та ўйин ўтказиб, 57 та гол урган (рекорд).
Ҳужумчи Франция билан бирга 2018 йилги Жаҳон Чемпионатида зафар қучган. Шунингдек, Миллатлар Лигасида (2021 йил) ҳам ғалаба қозонган, ЖЧ—2022 турнирида кумуш медални қўлга киритган.
Эслатиб ўтамиз, Германия мезбонлик қиладиган Европа чемпионати 14 июндан 14 июлга қадар давом этади.
37 ёшли форвард мавсум якунлангач, “Милан”ни тарк этиб, “Лос-Анжелес” сафига бориб қўшилади.
Изоҳ (0)