Италиянинг “Вериссимо” кўрсатуви меҳмони бўлган турк актрисаси Неслиҳан Атагул туғилажак фарзандининг жинсини ошкор қилди.
“Севги изтироби” ва “Элчининг қизи” сериаллари билан танилган актриса яқинда ҳаётида катта ўзгаришлар содир бўлгани ва турмуш ўртоғи Кадир Доғулу билан ота-она бўлиш бахтига муяссар бўлишига оз қолгани ҳақида маълум қилган эди. Куни кеча актриса Италиядаги “Вериссимо” шоусига ташриф буюрди ва кўрсатув давомида ҳомиладорлиги ҳақидаги тафсилотлар билан бўлишди.
Ҳаётнинг муҳим ва унутилмас даври қандай ўтаётгани ҳақидаги саволларга жавобан актриса шундай деди:
“Яратганга шукр, ҳаммаси яхши ўтмоқда. Бир кун келиб она бўлишни истаган ҳар бир аёл ушбу ажойиб ҳисни шахсан бошдан кечиришини тилайман. Ҳозирда мен осуда, аммо ҳаяжонга бой даврни бошимдан ўтказмоқдаман”.
Неслиҳан Атагул фарзанди қачон туғилиши ҳам маълум қилишга қарор қилди. Унинг сўзларига кўра, актриса фарзандини март ойида қўлига олади.
Бошловчи Неслиҳандан ҳомиладорлик ҳақидаги хабарни унинг турмуш ўртоғига қандай эълон қилганини сўради. Юлдузнинг айтичича, аввалига у буни ўзига хос тарзда бажармоқчи бўлган, бироқ барчаси оддий ҳолда содир бўлган.
“Мен турмуш ўртоғимнинг олдига келиб: Кадир, сизга бир муҳим нарсани айтишим керак, дедим ва ҳомиладорлигимни айтдим. Биз хурсандчиликдан кула бошладик ва тахминан ўн беш дақиқа давомида кулдик”.
Мухлислар илтимосига кўра кўрсатув бошловчиси ҳамда “Вериссимо” жамоаси студияда ўтирган томошабинлар учун gender party (бола жинсини аниқлаш байрами)ни ташкил қилди. Бир неча сониялардан сўнг экранда кўк барглардан иборат дарахт декорацияси пайдо бўлди. Бу эса, юлдузли жуфтликнинг ўғил фарзанд кутаётганини англатади.
Изоҳ (0)