“Севги изтироби” ва “Истанбулнинг икки юзи” каби сериаллар юлдузи Неслиҳан Атагул турк кинематографиясида истиқболли актрисалардан бирига айланиб улгурди. Машҳур ва гўзал актрисанинг асли келиб чиқиши турк эмаслигини билармидингиз?
Яшил кўзли мафтункор Неслиҳан 1992 йилда Истанбулда туғилган ва 8 ёшида келажакда албатта актриса бўлишни мақсад қилган. Ўсмирлигида у актёрлик агентлиги рақамларини мустақил равишда топган ва онаси уни танловга олиб боришга розилик билдирган. Қизалоқнинг қизиқишларини ота-онаси ва акаси Илкай Атагул ҳам доим қўллаб-қувватлаган, натижада Неслиҳан 13 ёшида кино саноати ва шоу-бизнес соҳасига кириб келган.
Ниҳон ролини ўйнаган актриса оддий оиладан: унинг отаси юк машина ҳайдовчиси, онаси эса уй бекаси бўлган. Неслиҳаннинг отаси Яшан Сенер (Туркияга кўчиб келгач исмини ўзгартирган бўлиши мумкин) келиб чиқиши черкас, онаси эса рус ва белорус миллатига мансуб. Тўйдан кейин эр ва хотин СССР ҳудудида яшаган, кейинчалик мамлакат парчаланиб кетгач, Туркияга кўчиб келган.
-7ibcaSv8.jpeg)
Шундай қилиб, Неслиҳан Атагулнинг авлоди славян миллатига бориб тақалади. Бу факт актрисанинг ташқи кўринишида ҳам акс этган. Шунинг учун у “Муҳташам юз йил” сериалида Сулаймон султоннинг севимли рафиқаси Хуррам —украиналик Александра Роксолана ролига даъвогар бўлиши мумкин эди.
Лекин афсуски, сериал кастинги ва съёмка жараёнида Неслиҳан 19 ёшда эди. Агар “Муҳташам юз йил” сериали давомини суратга олиш йўлга қўйилса, актриса албатта бош ролга муносиб бўларди.
Изоҳ (0)