Bugungi kunda shaharlarda yashovchi aholining aksariyati o‘zini surunkali charchoq sindromidan azob chekadi, deb ishonadi. Ushbu sindrom kuchli charchoq, ish qobiliyatining pasayishi, mushaklar kuchsizligi va uzoq dam olishdan keyin ham tarqab ketmaydigan doimiy charchoq hissi bilan tavsiflanadi.
Juda tez sur’atda o‘tuvchi kunlar, ekologiyaning buzilishi va doimiy stress tananing tezroq tiklanishiga to‘sqinlik qiladi. Bu holat, ayniqsa, sovuq mavsumda kuchayadi. Noyabrdan aprelgacha ko‘plab insonlar o‘zida uyqu va energiya yetishmovchiligini his qiladi. Shifokorlarning fikriga ko‘ra, bularning barchasi faqatgina surunkali charchoq belgilari bo‘lmasligi mumkin.
AQSH Tibbiyot fanlari doktori, Restorasis klinikasi asoschisi Sandra Dalton-Smit ogohlantiradi: yetarlicha vaqt uxlash bo‘yicha tavsiyalar bizga odatiy ko‘rinsa-da, ushbu maslahatga amal qilmay to‘laqonli sog‘lom bo‘lish mushkul ish. Agar tana uzoq vaqt davomida tunda dam olmasa, xavfli kasalliklar vujudga kelish ehtimoli sezilarli darajada oshadi.
Ba’zida biz yetarlicha dam olgan bo‘lsak ham, kun davomida tezda charchab qolamiz. Agar sizda shunday holat bir necha kun ketma-ket davom etsa, organizmda xavfli kasalliklar rivojlanish ehtimoli oshishi mumkin.
Inson organizmi charchay boshlaganda tabiiy ravishda energiyani tejashga harakat qiladi. Bunday vaqtda surunkali charchoq sindromi bo‘lgan odam kun davomida doimiy uyqusi keladi. Bunday shaxslar yetarli soat uxlasa ham, tana to‘liq dam ololmaydi. Shuningdek, bemorda bosh og‘rig‘i, titroq va ko‘ngil aynishi kuzatiladi. Shuning uchun uyqu gigiyenasiga rioya qilish o‘ta muhimdir.
“Organizm o‘zini tiklashi uchun birgina sifatli uyquning o‘zi yetarli emas. Tibbiyot mutaxassislari kun tartibida dam olishning 7 turi bo‘lishiga ahamiyat berishni tavsiya qiladi, ularga jismoniy, ruhiy, aqliy, hissiy, ruhiy, emotsional va ijtimoiy orom kiradi. Agar siz har oy dam olishning bir turiga vaqt ajratsangiz, surunkali charchoq sindromiga duch kelmaysiz”, — deydi Sandra Dalton-Smit The Sun nashriga bergan intervyusida.
Izoh (0)