Июль ойида АҚШ президентлигига номзод Дональд Трампга суиқасд уюштирилганидан бери унинг сайловолди ташвиқоти унинг соғлиғига оид тафсилотларни ошкор қилмади, деб ёзади The New York Times (NYT).
Трампнинг соғлиғи ҳақидаги сўнгги батафсил ҳисобот 2018 йилда нашр этилган. Бу тиббиёт мутахассисларини хавотирга солмоқда.
NYT таъкидлаганидек, агар у сайловда ғалаба қозонса, 78 ёшли Трамп президент лавозимини эгаллаган энг кекса одамга айланиши мумкин — 2029 йилда ваколат муддати тугагач, у 82 ёшга тўлади.
Тиббиёт мутахассисларининг таъкидлашича, Трамп “бир қатор потенциал ташвишли муаммолар” билан лавозимга ўтириши мумкин. Улар орасида мутахассислар юрак хасталиги хавфини, суиқасднинг эҳтимолий оқибатларини, шунингдек, “ёш билан табиий равишда юзага келадиган” когнитив қобилиятларнинг пасайишини санаб ўтган.
13 июль куни Пенсилваниядаги митинг чоғида Трамп унга қарата ўқ узилиши оқибатида қулоғидан яраланган эди. Иккинчи уриниш 15 сентябрь куни Флоридада ўзининг голф клубида амалга оширилган. Трамп голф ўйнаётган клуб ёнида отишмалар содир бўлган. Трамп отишма содир бўлган жойдан бир неча юз метр нарида бўлган. Номаълум эркак девор орасидан автомат қуролини ўқталаётган вақтида Махфий хизмат ходимлари унга қарата ўқ узган.
Изоҳ (0)